«Жұмыс істейтін жастарға арналған сатып алу құқығынсыз жалға берілетін тұрғын үй» бағдарламасы бойынша құжаттар қабылдау жарияланады

Құрметті Нұр-Сұлтан қаласының жастары!

2021 жылғы 4 қарашаның 9:00 бастап 11 қарашаның 23:59 дейін «Жұмыс істейтін жастарға арналған сатып алу құқығынсыз жалға берілетін тұрғын үй» бағдарламасы бойынша құжаттар қабылдау жарияланады.

Құжаттарды қабылдау мерзімі: 2021 жылғы 4-11 қарашаны қоса алғанда;

Тұрғын үй түрі: сатып алу құқығынсыз жалға берілетін тұрғын үй;

Тұрғын үй келесі мерзімге беріледі: 5 жыл, ұзарту құқығынсыз;

Ай сайынғы жалдау ақысы: 5 000 – 15 000 теңге;

Құжаттарды қабылдау көрсетілген кезеңдетек электронды түрде qatysu.zhilfond.kz порталы арқылы жүргізіледі;

Сіз өтінім бергеннен кейін, өтінім қаралу шамасына қарай, өтінім берген кезде көрсеткен телефон нөміріңізге Сіздің өтініміңіздің мәртебесі бар смс-хабарлама жіберілетін болады.

1) жұмысқа қабылданды (бағдарламаның шарттарына, құжаттардың толық тізбесіне сәйкес келсеңіз);

2) түзету қажет (Сіз құжаттардың толық емес пакетін, сапасыз құжаттарды және т.б. ұсынсаңыз.);

3) бас тартылды (бағдарлама шарттарына сәйкес келмесеңіз).

Сіздің өтініміңіздің мәртебесімен телефонға SMS-хабарлама алғаннан кейін qatysu.zhilfond.kz порталдағы жеке кабинеттен таныса аласыз.

Жұмыс істейтін жастарға арналған бағдарламаға қатысты барлық сұрақтар бойынша 109(ұялы телефоннан тегін)  колл-орталығына және 8-700-725-17-32 нөмірі бойынша хабарласа аласыз.

Шарттары:

– 29 жасқа толмаған ҚР азаматы;

– аяқталған орта/арнайы орта/жоғары/жоғары оқу орнынан кейінгі білім және ресми жұмысқа орналастыру;

– Нұр-Сұлтан қаласында соңғы 2 жылдан кем емес тұрақты үздіксіз тіркелу;

– өтініш берушіде және отбасының барлық мүшелерінде ҚР бойынша меншік құқығында, сондай-ақ 2 жыл ішінде сатып алу құқығымен жалға берілетін тұрғын үйдің болмауы;

– төлем қабілеттілігін растау (ай сайынғы табыс минимум 116 680 теңге/соңғы 6 айда 40 АЕК).

Бірінші кезекте сізге ЭЦҚ кілтін алу қажет, ал тізбе бойынша анықтамалар өтініш берген сәтте 10 күннен кешіктірілмей алынуы тиіс.

Қажетті құжаттар тізімі:

1. Өтініш берушінің ЭЦҚ кілті;
2. Өтініш берушінің және отбасы мүшелерінің (жұбайы, балалары болған жағдайда) жеке куәлігінің сканерленген нұсқасы;
3. Дипломның сканерленген нұсқасы (жоғары білім туралы диплом, мектеп аттестаты, біліктілік, арнайы-техникалық білім туралы диплом – бар дипломдардың бірі);
4. . Неке қию туралы куәліктің сканерленген нұсқасы (болған жағдайда);
5. Балалардың туу туралы куәлігінің сканерленген нұсқасы (болған жағдайда);
6. Өтініш берушіге және отбасы мүшелеріне Қазақстан Республикасы бойынша жылжымайтын мүліктің жоқтығы туралы анықтаманың сканерленген нұсқасы (болған жағдайда жұбайы, балаларына да);
7. Жұмыс орнынан анықтаманың сканерленген нұсқасы (меншік нысанындағы мемлекеттік органдардың «ММ», «КММ», «РММ», «МКҚК», «РМҚК», «ШЖҚ МКК», «ШЖҚ РМК» қызметкерлерінде жұмыс орнынан мемлекеттік қызметтегі жалпы өтілі көрсетілген мекеменің фирмалық бланкісіндегі анықтама болуы тиіс);
8. Еңбек қызметінің бүкіл кезеңі үшін БЖЗҚ зейнетақы аударымдары туралы анықтаманың сканерленген нұсқасы;
9. Зейнетақы аударымдары есептелмейтін әскери қызметшілерге жұмыс орнынан Сіз тұрғын үй төлемдерін алмайтындығыңыз туралы анықтаманы қоса беру қажет;
10. Мемлекеттік кәсіпорындар мен мекемелердің қызметкерлері қызметтік тізімді ұсынуы қажет (болмаған жағдайда, ҚР Еңбек кодексінің 35-бабына сәйкес құжаттардың бірін ұсынуы қажет);
11. Банктік шоттың бар екендігі және нөмірі туралы анықтаманың сканерленген нұсқасы (карточкалық шот, ағымдағы, жинақ, дебеттік шот және т. б. – бар шоттардың бірі);
12. Банктік шот бойынша ақша қалдығы және қозғалысы туралы үзінді көшірменің сканерленген нұсқасы;
13. Өтініш берушінің жеке жетістіктері туралы құжаттың сканерленген нұсқасы;
14. Жеке кәсіпкерлер жеке кәсіпкер ретінде қызметінің басталғаны туралы хабарлама ұсынады;
15.  Егер Сіз еңбек демалысында немесе еңбекке уақыташа жарамсыз демалысында болып, Сіздің табысыңыз төмендеген болса, еңбек демалысы туралы бұйрығын немесе еңбекке уақыташа жарамсыз парағын қосымша ұсыну қажет.

Қатысуға құжаттар тапсырған азаматтар арасында іріктеу балдық жүйе бойынша жүргізіледі.

– Отбасының болуы үшін – 5 балл, Некенің әр жылы үшін – 2 балл;

– Баланың болуы үшін-1 балл, келесі әрбір бала үшін – 2 балл;

– Бюджеттік ұйымдардағы (мемлекеттік мекемелер мен мемлекеттік кәсіпорындардағы) еңбек қызметі үшін – 5 балл, еңбек өтілінің әр жылы үшін -1 балл;

– нарық сұранысына ие 100 мамандық тізіміне сәйкес мамандықты игерген өтініш берушіге – 10 балл (тізім сайтта жарияланған zhilfond.kz);

– жеке кәсіпкерлік қызметті жүзеге асыру кезінде кемінде 1 жыл – 5 балл, әрбір жыл үшін – 1 балл;

– өтініш берушінің әртүрлі қызмет салаларында жеке жетістіктері болған кезде (кәсіби саладағы жетістіктері ескеріледі) – 2 балл; – екінші деңгейдегі банктердегі жинақ шоттарындағы жинақтардың әрбір жылы үшін – 2 балл.